Xanlar Qəmbərov
Şüşə kəsmə, emal və quraşdırmanın ustası. İşi sıfırdan qurdu.
Autoglass bir ustanın sənətə sevgisi ilə başladı və bu gün onun oğlu ilə davam edir. 36 ildir eyni ailə, eyni ünvanda avtomobil şüşəsi ilə işləyir.
Şüşə kəsmə, emal və quraşdırmanın ustası. İşi sıfırdan qurdu.
Sənəti uşaqlıqdan atasının yanında öyrənib. Bu gün emalatxananı o idarə edir.
Autoglass-ın hekayəsi 1990-cı ildə Xanlar Qəmbərovun sənətə olan sevgisi, zəhməti və peşəkarlığı ilə başlayıb.
Öz dövrünün seçilən sənətkarlarından biri olan Xanlar Qəmbərov şüşə sənətinin incəliklərinə dərindən yiyələnmiş, yüksək əl qabiliyyəti və peşəkar yanaşması ilə tanınmışdı.
Xanlar Qəmbərovun rəhbərliyi ilə Autoglass illər ərzində fəaliyyət dairəsini genişləndirərək avtomobil şüşələrinin təmiri və hazırlanması ilə yanaşı, detailing və avtomobillərə peşəkar qulluq sahəsində də xidmət göstərib.
Beləliklə, şirkət təkcə xidmətləri ilə deyil, keyfiyyətə və müştəri məmnuniyyətinə verdiyi önəmlə də özünəməxsus etibar qazanıb.
Xanlar Qəmbərov sahib olduğu bilik və təcrübəni oğlu Əsəbəli Qəmbərova da uşaqlıq illərindən ötürüb.
Əsəbəli atasının yanında böyüyərək, onunla birlikdə çalışaraq və illər ərzində praktiki təcrübə qazanaraq bu sənətin bütün incəliklərini mənimsəyib.
2024-cü ildə Xanlar Qəmbərovun vəfatından sonra şirkətin rəhbərliyini oğlu Əsəbəli Qəmbərov davam etdirib.
O, atasının təməlini qoyduğu Autoglass-ın fəaliyyətini, formalaşmış xidmət istiqamətlərini və peşəkarlıq prinsiplərini qoruyaraq bu irsi gələcəyə daşımağı öz üzərinə götürüb.
Bu gün Autoglass avtomobil şüşələrinin təmiri, hazırlanması və quraşdırılması, peşəkar detailing, kuzovun bərpası və avtomobilin qorunması istiqamətlərində fəaliyyətini davam etdirir.
Avtomobili və zədəni tanıyırıq, görüləcək işi düzgün müəyyən edirik.
Mümkün həlli, gözlənilən nəticəni və işin məhdudiyyətlərini əvvəlcədən deyirik.
İşin həcmi və qiyməti barədə eyni fikrə gəlməmiş işə başlamırıq.
Əsl peşəkarlıq, zəhmət və keyfiyyət üzərində qurulan dəyərlər zamanla itmir, nəsildən-nəslə ötürülür.
Marka, model və zədə haqqında yazın. Uyğun xidmətdən başlayaq.